UZIMEI.UZ - O‘zbekiston Respublikasida mobil qurilmalar IMEI-kodlarini ro‘yxatdan o‘tkazish tizimi

IMEI-kodni tekshirish

Введите код с картинки

IMEI-kodini bilish va maydonchaga joylashtirish uchun telefon klaviaturasida *#06# kombinatsiyasini tering

IMEI-kodni tekshirish uchun qo‘llanma

Ro‘yxatdan o‘tish

Jismoniy shaxslar (rezidendlar) uchun ro‘yxatdan o‘tish

Mobil qurilmalarni uchinchi shaxslarning shaxsiy ma'lumotlaridan (pasport ma'lumotlari va telefon raqamidan) foydalanish orqali ro‘yxatdan o‘tkazish holatlarini oldini olish maqsadida tizim operatori tomonidan mobil qurilmalarni ro‘yxatdan o‘tkazish jarayoniga o‘zgartirish kiritildi.

Ushbu tartibga ko‘ra, qurilmaning IMEI-kodini/kodlarini ro‘yxatdan o‘tkazishda jismoniy shaxslar tomonidan foydalaniladigan abonent raqami mahalliy mobil operatorlaridan ariza beruvchi nomiga rasmiylashtirilgan bo‘lishi kerak.

E'tibor bering!

O‘zbekiston Respublikasining 2 iyul 2019 yil «Shaxsga doir ma'lumotlar to‘g‘risida»gi №-547 qonunining, 33-m. muvofiq shaxsga doir ma'lumotlar to‘g‘risidagi qonun hujjatlarini buzganlikda aybdor shaxslar belgilangan tartibda javobgar bo‘ladi. Shaxsga doir ma'lumotlar to‘g‘risidagi qonun hujjatlarini buzganlik uchun jazo O‘zbekiston Respublikasining Ma'muriy javobgarlik to‘g‘risidagi kodeksining 46(2)-m. va O‘zbekiston Respublikasining Jinoyat kodeksining 141(2)-m. bilan belgilanib qo‘ilgan.

+998
 
Введите код с картинки

IMEI-kodni ro‘yxatdan o‘tkazish usullari

IMEI-kodni ro‘yxatdan o‘tkazish uchun qo‘llanma

IMEI kodini ro‘yxatdan o‘tkazish uchun to‘lash bo‘yicha ko‘rsatmalar

O‘zbekiston Respublikasi Davlat bojxona qo‘mitasining bo‘limlari

  

Ro‘yxatga olish bo‘limlari

  

FAQ Ko‘p so‘raladigan savollar

  • Mobil qurilmaning IMEI-kodini/kodlarini qanday bilib olish mumkin?

    Qurilma klaviaturasida *#06# kombinatsiyasini kiritib, mobil qurilmaning IMEI-kodini/kodlarini bilib olish mumkin. Bundan tashqari, ushbu kod qurilmani qutisida, kafolat kartasida va ayrim qurilmalarni batareyasi ostida yozilgan bo‘ladi.

  • Jismoniy shaxs-rezident mobil qurilmaning IMEI-kodini qanday qilib ro‘yxatdan o‘tkashi mumkin?

    Mobil qurilma jismoniy shaxs tomonidan import qilingan bo‘lsa, mobil qurilmaning IMEI-kodini/kodlarini ro‘yxatdan quydagi yo‘llar bilan o‘tkazish mumkin:

    1. Tizim operatorining veb-saytida: www.uzimei.uz;
    2. 1170 qisqa raqamiga SMS yuborish orqali;
    3. *1170# USSD so‘rov orqali;
    4. O‘zbekiston Respublikasi interaktiv davlat xizmatlari yagona portali veb-saytida: www.my.gov.uz;
    5. UZIMEI tizimi operatorida (Toshkent shahri, Olmazor tumani, Sebzor dahasi, 18-A, mo‘ljal: 240 ATS binosi);
    6. Pochta aloqa bo‘limlarida.

    SIM-karta o‘zgarishidan qat'iy nazar IMEI-kod bir maratoba ro‘yxatdan o‘tkaziladi.

    Agar jismoniy shaxs respublika hududiga qonunchilik tarafdan belgilangan miqdordan bojsiz mobil qurilma olib kirsa, kirim orderini rasmiylashtirishi zarur. Tizim operatori ushbu hujjat asosida mobil qurilmaning IMEI-kodini/kodlarini ro‘yxatdan o‘tkazadi. Ushbu reglament O‘zbekiston Respublikasi Prezidentining № 3512-sonli qarori, O‘zbekiston Respublikasi Vazirlar Mahkamasining 463-sonli qarori, O‘zbekiston Respublikasi Davlat bojxona qomitasining № 526-sonli tartibi bilan o‘rnatilgan.

  • Fuqaroligi bo‘lmagan shaxslar qanday qilib mobil qurilmaning IMEI-kodini/kodlarini ro‘yxatdan o‘tkazishlari mumkin?

    Fuqaroligi bo‘lmagan shaxslar O‘zbekiston Respublikasi Vazirlar Mahkamasi tomonidan belgilangan tartib asosida berilgan biometrik sayohat hujjati yordamida mobil qurilmaning IMEI-kodini/kodlarini ro‘yxatdan o‘tkazishi mumkin.

    Mobil qurilmaning IMEI-kodini/kodlarini ro‘yxatdan quydagi yo‘llar bilan o‘tkazish mumkin:

    1. UZIMEI tizimi operatorida (Toshkent shahri, Olmazor tumani, Sebzor dahasi, 18-A, mo‘ljal: 240 ATS binosi);
    2. Pochta aloqa bo‘limlarida.

    SIM-karta o‘zgarishidan qat'iy nazar IMEI-kod bir maratoba ro‘yxatdan o‘tkaziladi.

    Agar jismoniy shaxs respublika hududiga qonunchilik tarafdan belgilangan miqdordan bojsiz mobil qurilma olib kirsa, kirim orderini rasmiylashtirishi zarur. Tizim operatori ushbu hujjat asosida mobil qurilmaning IMEI-kodini/kodlarini ro‘yxatdan o‘tkazadi. Ushbu reglament O‘zbekiston Respublikasi Prezidentining № 3512-sonli qarori, O‘zbekiston Respublikasi Vazirlar Mahkamasining 463-sonli qarori, O‘zbekiston Respublikasi Davlat bojxona qomitasining № 526-sonli tartibi bilan o‘rnatilgan.

  • Xalqaro pochta yoki kurerlik jo‘natmalari orqali respublika hududiga olib kelingan mobil qurilmalarning IMEI-kodi/kodlarini qanday ro‘yxatdan o‘tkazish mumkin?

    Jismoniy shaxslar tomonidan xalqaro pochta yoki kurerlik jo‘natmalari orqali olib kirilgan mobil qurilmalar faqat tizim operatori yoki ro‘yxatga oluvchisiga o‘zi kelib murojaat etish orqali pochta identifikatorining shtrix kodi va kalendar shtempeli bo‘lgan konvert taqdim etilgan holda amalga oshiriladi.

    Mobil qurilmaning IMEI-kodini/kodlarini ro‘yxatdan quydagi yo‘llar bilan o‘tkazish mumkin:

    1. UZIMEI tizimi operatorida (Toshkent shahri, Olmazor tumani, Sebzor dahasi, 18-A, mo‘ljal: 240 ATS binosi);
    2. Pochta aloqa bo‘limlarida.

    SIM-karta o‘zgarishidan qat'iy nazar IMEI-kod bir maratoba ro‘yxatdan o‘tkaziladi.

  • Jismoniy shaxslar-norezidentlar qanday qilib mobil qurilmaning IMEI-kodini/kodlarini ro‘yxatdan o‘tkazishlari mumkin?

    Norezident jismoniy shaxslar mahalliy mobil aloqa operatorlaridan SIM-karta/kartalar xarid qilganda norezident maqomiga ega SIM-karta/kartalar sotib olishlari shart.

    Mobil qurilmaning IMEI-kodini/kodlarini ro‘yxatdan quydagi yo‘llar bilan o‘tkazish mumkin:

    1. UZIMEI tizimi operatorida (Toshkent shahri, Olmazor tumani, Sebzor dahasi, 18-A, mo‘ljal: 240 ATS binosi);
    2. Pochta aloqa bo‘limlarida.

    SIM-karta o‘zgarishidan qat'iy nazar IMEI-kod bir maratoba ro‘yxatdan o‘tkaziladi.

    Agar jismoniy shaxs respublika hududiga qonunchilik tarafdan belgilangan miqdordan bojsiz mobil qurilma olib kirsa, kirim orderini rasmiylashtirishi zarur. Tizim operatori ushbu hujjat asosida mobil qurilmaning IMEI-kodini/kodlarini ro‘yxatdan o‘tkazadi. Ushbu reglament O‘zbekiston Respublikasi Prezidentining № 3512-sonli qarori, O‘zbekiston Respublikasi Vazirlar Mahkamasining 463-sonli qarori, O‘zbekiston Respublikasi Davlat bojxona qomitasining № 526-sonli tartibi bilan o‘rnatilgan.

  • Mobil qurilmaning IMEI-kodi holatini qanday tekshirish mumkin?

    Mobil qurilmaning holatini tekshirishni quyidagi yo‘llar bilan amalga oshirish mumkin:

    1. UZIMEI-tizimi rasmiy veb-saytida: www.uzimei.uz;
    2. 1170 raqamiga SMS yuborish orqali;
    3. *1170# USSD so‘rov orqali.
  • O‘zbekiston Respublikasi hududida mobil qurilma harid qilganda qurilmani IMEI-kodini/kodlarini qay tarzda ro‘yxatdan o‘tkazish mumkin?

    O‘zbekiston Respublikasi hududiga sotish uchun olib kiriladigan mobil qurilmalar yuridik shaxslar yoki import qiluvchilar tomonidan o‘rnatilgan tartibda, PSM №778-ga muvofiq, ro‘yxatdan o‘tkazilishi shart.

    O‘zbekiston hududida iste‘molchi-jismoniy shaxs mobil qurilma harid qilish oldidan uning IMEI-kodini/kodlarini holatini tekshirib olishi kerak.

    Buni quydagi usullar bilan amalga oshirish mumkin:

    1. UZIMEI-tizimi rasmiy veb-saytida: www.uzimei.uz;
    2. *1170# USSD so‘rov orqali.
  • Mobil qurilmani SIM-sloti faollashtirilgandan so‘ng qurilmani IMEI-kodini ro‘yxatdan o‘tkazish muddati.

    Mobil qurilmani SIM-sloti faollashtirilgandan so‘ng 30 kalendar kuni oralig‘ida mobil qurilmaning IMEI-kodini ro‘yxatdan o‘tkazish kerak.

  • Mobil qurilmada ikki yoki undan ortiq IMEI-kodlari mavjudligi nimani anglatadi?

    Mobil qurilma ikki yoki undan ziyod IMEI-kodiga ega bo‘lgan holatda, ushbu qurilma ikki yoki undan ortiq SIM-karta yordamida bir vaqtning o‘zida ikki uyali aloqa operatori tomonidan xizmat ko‘rsatish mumkin bo‘lganini anglatadi.

  • Mobil qurilmalarni IMEI-kodlarini ro‘yxatdan o‘tkazish uchun to‘lovni qanday amalga oshirish mumkin?

    Mobil qurilmalarning IMEI-kodlarini ro‘yxatdan o‘tkazish uchun to‘lovni Payme, Click (shuningdek Telegram bot), Paynet to‘lov tizimi ilovalari orqali, hamda O‘zbekiston Respublikasidagi banklarida amalga oshirish mumkin.

  • Qanday qilib mobil qurilmani IMEI-kodi/kodlarini blok holatidan chiqarish mumkin?

    Mobil qurilmaning IMEI-kodi/kodlarini blok holatidan chiqarish uchun qurilmani IMEI-kodi/kodlarini UZIMEI tizimida ro‘yxatdan o‘tishi kerak. IMEI-kodi/kodlarini muvaffaqiyatli ro‘yxatdan o‘tkazgandan so‘ng, mobil qurilmani o‘chirib qayta yoqish lozim.

  • Abonent raqamini mobil qurilmaning IMEI-kodiga ulanib qoylgani nimani anglatadi?

    Avtomatik ro‘yxatdan o‘tish davrida (1.04.2019 — 31.10.2019) aniqlamagan yoki klonlangan IMEI-kodlar abonent raqamlariga ulab qo‘shish sharti bilan UZIMEI tizimida ro‘yxatdan o‘tkazilgan.

    Shu sababli, ayrim abonentlar, yaniy aniqlanmagan yoki klonlangan IMEI-kodli mobil qurilmalar egalari tarmoq hodisalarini (qo‘ng‘iroq qilish va SMS-jo‘natish) faqat IMEI-kodi/kodlariga ulanib qo‘ilgan abonent raqami/raqamlari orqali amalga oshira olishadi.

    UZIMEI tizimida avtomatik ro‘yxatdan o‘tish davrida mobil qurilmaning aniqlanmagan yoki klonlangan IMEI-kodiga/kodlariga ulanib qo‘ilgan abonent raqamini o‘zgartirish uchun tizim operatoriga yoki tizim registratoriga shaxsan murojaat qilish kerak bo‘ladi.

  • Mobil qurilmani yo‘qolgan yoki o‘g‘irlangan holatlarda jabrlanuvchi qanday choralar ko‘rish kerak?

    Qurilma yo‘qolgan yoki o‘g‘irlangan holda jabrlanuvchi ichki ishlar bo‘limlariga mobil qurilmaning ishlab chiqaruvchisi, modeli va IMEI-kodi/kodlari ko‘rsatilgan ariza bilan murojaat qilishlari kerak.

  • Jismoniy shaxs respublika hududiga belgilangan miqdordan bojsiz import qilgan (bir donadan ortiq, bitta planshet bundan mustasno) mobil qurilmalarning IMEI-kodi/kodlarini qanday ro‘yxatdan o‘tkazish mumkin?

    Jismoniy shaxs mobil qurilmaning respublika hududiga bojsiz olib kirilish miqdoridan (bir donadan ortiq) oshgan hollarda, mobil qurilmani IMEI-kodi/kodlari tizim operatoriga bojxona kirim orderi taqdim etilgandan so‘ng ro‘yxatga olinadi.

    Malumot uchun:

    • O‘zbekiston Respublikasi qonunchiligiga muvofiq (VMQ 463-son qarori, DSQ 526-sonli tartibi) avtoyo‘l (yo‘lovchi), temir yo‘l va daryo o‘tkazish punqtalari orqali jismoniy shaxslar respublika hududidaga yarim yil ichida bir dona mobil qurilma (planshetlardan tashqari) olib kirishlariga ruxsat beriladi. Tizim operatori joriy va avvalgi olti oy davlat chegarasini kesib o‘tish asosida bitta mobil qurilmaning (planshetdan boshqa) IMEI-kodi/kodlarini ro‘yxatga oladi. Yilning birinchi yarmi u 1-yanvardan 30-iyungacha deb hisoblanadi. Yilning ikkinchi yarmi 1-iyuldan 31-dekabrgacha deb hisoblanadi.
    • O‘zbekiston Respublikasi qonunchiligiga muvofiq (PQ 3512-sonli, DSQ 526-sonli tartibi) jismoniy shaxs mobil qurilmani xalqaro aeroportlar orqali respublika hududiga olib kirilgan xolatda, davlat chegarasini oxirgi kesib o‘tish asosida bitta mobil qurilmaning IMEI-kodi/kodlarini ro‘yxatdan o‘tkazishga ruxsat beriladi.
  • SIM-modulli WLAN routerlarni, SIM-modulli modemlarni, SIM-modulli olib yuriladigan qurilmalarni (soatlar, fitnes-brasletlar) IMEI-kodlarini UZIMEI tizimida ro‘yxatdan o‘tkazish kerakmi?

    O‘zbekiston Respublikasi Vazirlar Mahkamasining 2019-yil 17-sentabrdagi 778-sonli qarori bilan O‘zbekiston Respublikasi hududida foydalaniladigan, olib kiriladigan va sotish yoki shaxsiy foydalanish uchun ishlab chiqariladigan mobil qurilmalarni ro‘yxatdan o‘tkazish tartibi to‘g‘risidagi Nizom tasdiqlandi.

    Ushbu Nizomni 1-ilovasiga muvofiq, SIM-modulli WLAN routerlarni, SIM-modulli modemlarni, SIM-modulli olib yuriladigan qurilmalarni (soatlar, fitnes-brasletlar) IMEI-kodlari tizim operatori tomonidan avtomatik ravishda birinchi tarmoq hodisasidan so‘ng, foydalanuvchilar ishtirokisiz amalga oshiriladi.

    Biroq, TAS (qurilmaning modeli va kelib chiqishi) ishlab chiqaruvchi tomonidan ko‘rsatilgan qurilma xususiyatlariga mos kelmagan hollarda, tizim operatoriga belgilangan tartibda murojaat qilib, mobil qurilmalarning IMEI-kodlarini ro‘yxatdan o‘tkazish kerak.

  • JShShIR nima?

    JShShIR — jismoniy shaxsning shaxsiy identifikatsiya raqami. U 14 raqamdan iborat. Uni jismoniy shaxsning pasporti bo‘yicha aniqlash mumkin.

  • GSMA xalqaro Assotsiatsiyasining ma'lumotlar bazasida qurilmani turi va TAC (IMEI kodining birinchi 8 raqami) bir-biriga mos kelmagan hollarda mobil qurilmaning IMEI-kodlari qanday ro‘yxatdan o‘tkaziladi?

    O‘zbekiston Respublikasi hududida foydalanilayotgan, sotish yoki shaxsiy foydalanish uchun olib kiriladigan va ishlab chiqariladigan mobil qurilmalarni ro‘yxatga olish tartibi to‘g‘risida Nizomning 1-ilovasiga muvofiq, quyidagi qurilmalarning IMEI-kodi/kodlarini ro‘yxatdan o‘tkazish tizim operatori tomonidan birinchi tarmoq hodisasidan so‘ng foydalanuvchi ishtirokisiz avtomatik tarzda amalga oshiriladi:

    • SIM-modulli adapterlar (DONGLE);
    • SIM-modulli WLAN routerlari (WLAN ROUTER);
    • IoT qurilmalari (IoT DEVICE) Internet buyumlari qurilmalari, mashinalararo o‘zaro ishlash qurilmalari (SIM-modulli elektr energiyasi hisoblagichlari);
    • SIM-modulli transport vositalari (VENICLE);
    • SIM-modulli elektron kitoblar (E-BOOK);
    • Aloqa modullari (MODULE) GSM/GPRS va GPS moduli bo‘lgan qurilmalar, (SIM-modulli GPS-trekerlari va POS-terminallar);
    • Kompyuterlar (CONNECTED COMPUTER) (SIM-modulli noutbuklar);
    • SIM-modulli modemlar (MODEM);
    • SIM-modulli olib yuriladigan qurilmalar (WEARABLES) (soatlar, fitnes-brasletlar).

    Agar qurilmani GSMA xalqaro Assotsiatsiyasining ma'lumotlar bazasida qurilmani turi va TAC (IMEI kodining birinchi 8 raqami) bir-biriga mos kelmasa, hamda Nizomning 1-ilovasiga muvofiq qurilma turi birinchi tarmoq hodisasidan so‘ng foydalanuvchi ishtirokisiz Tizim operatori tomonidan avtomatik ravishda ro‘yxatdan o‘tkazilishi sifatida aniqlangan bo‘lsa, arizachi qurilmani IMEI-kodini/kodlarini o‘zgartirish uchun ishlab chiqaruvchiga murojaat qilishi kerak.

    TACga o‘zgartirilgandan so‘ng, qurilmalarning IMEI-kodini/kodlarini avtomatik ravishda tizim operatori tomonidan foydalanuvchi ishtirokisiz ro‘yxatdan o‘tkaziladi.

  • Kim mobil qurilmani IMEI-kodlarini ro‘yxatdan o‘tkazishi kerak?

    Sotish uchun respublika hududiga olib kirilgan mobil qurilmalarning IMEI-kodlarini olib kirgan shaxs tomonidan ro‘yxatdan o‘tkaziladi. Respublika hududida xarid qilishdan oldin mobil qurilmaning IMEI-kodi holatini tekshiring!

    Agar mobil qurilma xalqaro pochta yoki kurerlik jo‘natmalari orqali respublika hududiga olib kirilgan bo‘lsa, qurilmani IMEI-kodlarni ro‘yxatdan o‘tkazish uchun tizim operatori yoki pochta aloqa bo‘limlariga kelib murojaat etish orqali amalga oshirish mumkin. Buning uchun tizim operatoriga arizachi o‘z pasportini, mobil qurilmani, pochta identifikatorining shtrix kodi va kalendar shtempeli bo‘lgan konvert taqdim etishi shart.

    Mobil qurilmani siz respublika hududiga olib qirgan bo‘lsangiz, qurilmani IMEI-kodlari, pasportingizni seriyasi va raqamini 1170 qisqa raqamiga SMS yuborish orqali mobil qurilmani ro‘yxatdan o‘tkazishingiz mumkin.

    Diqqat!

    1. Abonent raqam mahalliy mobil operatorlaridan ariza beruvchi nomiga rasmiylashtirilgan bo‘lishi kerak.
    2. Bojsiz olib kirish normalariga rioya qilinmagan holda, ro‘yxatdan o‘tkazish bojxona to‘lovlari to‘langandan so‘ng amalga oshiriladi.