Mobil qurilmalar olib kiruvchi jismoniy va yuridik shaxslar diqqatiga!

O‘zbekiston Respublikasi Prezidentining 2025-yil 2-iyundagi “Ish haqi, pensiyalar, stipendiyalar va nafaqalar miqdorini oshirish to‘g‘risida”gi PF-91-sonli farmoniga asosan joriy yil 1-avgustdan bazaviy hisoblash miqdori (BHM) 412 000 so‘m etib belgilandi. 

Hurmatli foydalanuvchilar, O‘zbekiston Respublikasi Vazirlar Mahkamasining 2019-yil 17-sentabrdagi 778-son qaroriga muvofiq UZIMEI tizimida mobil qurilmalarning IMEI kodlarini ro‘yxatdan o‘tkazish uchun to‘lov bazaviy hisoblash miqdorining 20 foizi (dastlabki tarmoq hodisasi paytidan boshlab 30 kalendar (norezidentlar uchun 60) kuni o‘tgandan keyin ro‘yxatga olingan taqdirda - 25 foizi).

Shu munosabat bilan, joriy yilning 1 avgustidan boshlab mobil qurilmaning IMEI-kodini UZIMEI tizimida ro‘yxatdan o‘tkazish uchun to‘lov miqdori 82 400 yoki mos ravishda 103 000 so‘mni tashkil etishini ma’lum qilamiz.